Archive for ஜூன் 22nd, 2008
நான் படிக்கணும்னு நினைக்கிறேன்
கண்மணி(two+years) படு சீரியஸாக கலர் பண்ணிக்கொண்டிருந்தாள்.
”கண்மணி உன்னோட புக்கை படிக்கபோகிறேன்” என்றேன்.
தலையை தூக்கி என்னை பார்த்து,
“பார்த்து படிம்மா. புக்க கிழிச்சிடாதம்மா“
(எனக்கேவா மகளே)
————————
நாய்குட்டி பொம்மை வைத்து விளையாடிக்கொண்டிருந்தாள்.
“அம்மா இது என்ன?“
“மூக்கு“
“இது?“
“வாய்“
“வாய்க்குள்ள என்ன இருக்கு“
“நாக்கு“
“பல்லு எங்கம்மா?“
“அது உன்னை கடிச்சிடகூடாது இல்ல அதனால கழட்டிவச்சுட்டாங்க. நீயும் யாரையாவது கடிச்சா உன்னோட பல்லையும் கழட்டிடுவாங்க. அதனால யாரையும் கடிக்ககூடாது சரியா?” (ரெம்ப கோபம் வந்தால் கடித்துவிடுவாள்)
“நானு என்னோட பல்லை கழட்டி ஒளிச்சுவச்சிருவேனே” என்றாள் .
“அப்படி இஷ்டத்துக்கு பல்லை கழட்டின பிறகு மாட்டமுடியாது கண்மணி. ஒருதடவை கழட்டினா அப்புறம் நீ பல்லில்லாமத்தான் திரியணும். அப்புறம் எல்லோரும் உன்னை பாட்டீன்னு தான் கூப்பிடுவாங்க தெரியுமா?“
“அப்போ இது குட்டி நாய் இல்ல , பாட்டி நாய்” என்று சிரித்தாள்.
(இவங்ககிட்ட பேசுறதுக்கு தனியா நான் படிக்கணும்னு நினைக்கிறேன்)
4 comments ஜூன் 22, 2008
