ஒரு நிமிட கதை.

“என்னங்க “

 

“ம் “

 

“எனக்கு  ஊருக்கு  போகணும்  போல்  இருக்கு “

 

“ம் “

 

“அம்மா  அப்பாவை   பாத்து  எவ்ளோ   நாளாச்சு  ? எங்க  ஊரு  கோயிலுக்கு  போகணும் , பாட்டி  ஊருல  உள்ள  குளத்தில்  ஆசை  தீர  நீச்சலடிக்கணும்   . இன்னும்  எவ்வளவு  இருக்கு .எனக்கு  கண்டிப்பா  ஊருக்கு  போகணும் “

 

“சரி போ “

 

“இப்படி  சொன்னா  எப்படி … பக்கத்து  ஊருன்னா … பஸ்சுல  நான்  போயிட  மாட்டேனா … உங்ககிட்டயா    கெஞ்சிகிட்டு  இருப்பேன் “

 

“தெரியுதில்ல …. பக்கத்தில்  இல்லைன்னு …. பேசாம  படுத்து  தூங்கு   ”

 

“ஆனா  நான்  கண்டிப்பா  போகத்தான்  போறேன்  .. நீங்க  தான்  என்னை  வழியனுப்பி  வைக்கபோறீங்க “

 

திரும்பி , வியப்புடன்  பாத்து , “எதுக்கு  அப்படி  சொல்ற “

“எனக்கு  பாதம்  நம  நமன்னு   இருக்குது  . அப்படீன்னா  நான்    டிராவல்  பண்ணுவேனாம்  ”

 

 கடுப்புடன்  ” போடி    முதல்ல  நாளைக்கு   குளிக்கும்  போது  காலை  நல்லா   தேய்ச்சி  குளி . ஆஸ்பத்திரிக்கு  டிராவல்  பண்ணவச்சிடாத “